ନୂଆଦିଲ୍ଲୀ: ଆମେରିକା ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ ଆଜି ଆଉ ଏକ ଟାରିଫ୍ ବୋମା ପକାଇଛନ୍ତି । କିନ୍ତୁ ଏଥର ତାଙ୍କ ବୋମାର ଶିକାର ଭାରତ ନୁହେଁ ବରଂ ତାଙ୍କର ଦୀର୍ଘକାଳୀନ ପ୍ରତିଦ୍ୱନ୍ଦ୍ୱୀ ଚୀନ ହୋଇଛି । ଆମେରିକା ରାଷ୍ଟ୍ରପତି ଚୀନ୍ ସାମଗ୍ରୀ ଉପରେ ୧୦୦% ଅତିରିକ୍ତ ଟାରିଫ୍ ଘୋଷଣା କରିଛନ୍ତି । ଯାହା ଆମେରିକା ବଜାରରେ ଭୟଙ୍କର ପରିସ୍ଥିତି ସୃଷ୍ଟି କରିଛି । ଏହା ଫଳରେ କ୍ରିପ୍ଟୋ ବଜାର ବି ଦୋହଲି ଯାଇଛି, ବିଟକଏନରେ ଏକ ଗୁରୁତ୍ୱପୂର୍ଣ୍ଣ ହ୍ରାସ ଘଟିଛି। ନିବେଶକମାନେ ଗୋଟିଏ ଦିନରେ ୧.୭ଟ୍ରିଲିୟନରୁ ଅଧିକ କ୍ଷତି ସହିଛନ୍ତି।
ଚୀନ୍ ଉପରେ ୧୦୦% ଶୁଳ୍କ ଘୋଷଣା ପରେ ସେ ଚୀନ୍ ରାଷ୍ଟ୍ରପତି ସି ଜିନପିଙ୍ଗଙ୍କ ସହ ତାଙ୍କର ସାକ୍ଷାତ ବାତିଲ କରିଛନ୍ତି କି ବୋଲି ପଚରାଯିବାରୁ ଟ୍ରମ୍ପ୍ କହିଥିଲେ, “ନା, ମୁଁ କରିନାହିଁ। କିନ୍ତୁ ମୁଁ ଜାଣିନାହିଁ ଆମେ କରିବୁ କି ନାହିଁ। ଯଦି ଚୀନ୍ ରପ୍ତାନି ନିୟନ୍ତ୍ରଣ ଉଠାଇଦିଏ ତେବେ ସେ ଅତିରିକ୍ତ ଶୁଳ୍କ ଉଠାଇବେ କି ନାହିଁ ପଚରାଯିବାରୁ ସେ କହିଥିଲେ, “ଆମେ ଦେଖିବୁ କ’ଣ ହୁଏ। ସେଥିପାଇଁ ମୁଁ ଏହାକୁ ନଭେମ୍ବର ୧ ପାଇଁ ସ୍ଥିର କରିଛି।
ପୂର୍ବରୁ, ଆମେରିକା ରାଷ୍ଟ୍ରପତି କହିଥିଲେ ଯେ ଚୀନ୍ ବାଣିଜ୍ୟ ଉପରେ ବହୁତ ଆକ୍ରମଣାତ୍ମକ ମନୋଭାବ ଗ୍ରହଣ କରିଛି । ବିଶ୍ୱକୁ ଚିଠି ପଠାଇ କହିଛି ଯେ ସେମାନେ ନଭେମ୍ବର ୧, ୨୦୨୫ ଠାରୁ ପ୍ରାୟ ପ୍ରତ୍ୟେକ ଉତ୍ପାଦ ଉପରେ, ଏପରିକି କିଛି ଉତ୍ପାଦ ଯାହା ସେମାନେ ଉତ୍ପାଦନ କରନ୍ତି ନାହିଁ, ବ୍ୟାପକ ରପ୍ତାନି ନିୟନ୍ତ୍ରଣ ଲାଗୁ କରିବାକୁ ଯାଉଛନ୍ତି । ଏହା ସମସ୍ତ ଦେଶକୁ ପ୍ରଭାବିତ କରେ । ଏହି ଯୋଜନା ସ୍ପଷ୍ଟ ଭାବରେ ବର୍ଷ ବର୍ଷ ପୂର୍ବରୁ ସେମାନଙ୍କ ଦ୍ୱାରା ପ୍ରସ୍ତୁତ କରାଯାଇଥିଲା ।
